მენტორინგის პროგრამა, პროფესიული განათლების განვითარება, სოციალური მეწარმეოების მხარდაჭერა, განათლების ხელშეწყობა – CORPORATE SUSTAINABILITY AWARD-ზე შეკრებილი საზოგადოება “ელემენტ ჰოლდინგის” განხორციელებულ პროექტებს გაეცნო.
კომპანიის აღნიშნული აქტივობები გაეროს მდგრადი განვითარების მიზნების შესრულებას ემსახურება.
კორპორაციული მდგრადობის ჯილდოს ცერემონია გაეროს გლობალური შეთანხმების საქართველოს ქსელის მიერ შვედეთის მთავრობის, USAID-ის სამოქალაქო საზოგადოების ჩართულობის პროგრამისა და ევროპის საბჭოს ოფისის მხარდაჭერით გაიმართა.
ღონისძიების მიზანი ბიზნეს სექტორის პასუხისმგებლიან წარმომადგენელთა მხარდაჭერაა.