შვილობილი კომპანიები

„ოლ-პი ჯგუფი” სერვისების ფართო სპექტრით ოპერირებს: სარემონტო სამუშაოები, ინდუსტრიული და დეკორატიული იატაკების მოწყობა, ჰიდროიზოლაციის და მოჭიმული იატაკის სამუშაოები, კერძო სახლების მშენებლობა.
იგი 2007 წელს დაარსდა. ქრონოლოგიურად, „ოლ-პი ჯგუფი” ჰოლდინგის პირველი კომპანიაა. 

ორიენტირებულია განვითარებაზე და ქართულ ბაზარს სისტემატურად სთავაზობს ინოვაციურ სერვისებსა და პროდუქტებს. სწორედ მან შექმნა პირველად საქართველოში ტერაცოს, ვეტრაცოს და რუსტიკის იატაკები, მოჭიმული იატაკის სამუშაოები კი მექანიზებული გახადა. 

„ოლ-პი ჯგუფის” სამშენებლო მოედნებს ხშირად სტუმრობენ პროფესიული სასწავლებლის სტუდენტები, რომელთაც გამოცდილებას კომპანიის სხვადასხვა მიმართულების ხელმძღვანელები უზიარებენ.

„ოლ-პი ჯგუფი” აქტიურად უჭერს მხარს ახალგაზრდა არქიტექტორებს - სფეროსთან დაკავშირებულ ღონისძიებებსა და პროექტებში აქტიური ჩართულობით.

„ელემენტ ჰოლდინგის” მასშტაბით, კომპანიამ მომსახურების ქვეყნის ფარგლებს გარეთ გატანის პრეცედენტი შექმნა.

2022 წელს დაფუძნდა „ოლ-პი უზბეკეთი”.

„ელემენტ ქონსთრაქშენის” საქმიანობა მოიცავს ინდუსტრიულ, ჰიდროტექნიკურ და სამოქალაქო მშენებლობას, სარემონტო სამუშაოებსა და პროექტირების სერვისს.

კომპანია  2007 წელს დაარსდა. მის სახელს უკავშირდება საქართველოში განხორციელებული ყველაზე მასშტაბური პროექტები.

"ელემენტ ქონსთრაქშენი" ოპერირებს პრეზენტაბელური პორტფოლიოთი, სადაც წარმოდგენილია როგორც ადგილობრივი, ასევე საერთაშორისო ბრენდებისთვის განხორციელებული ობიექტები.

2024 წელს "ელემენტ ქონსთრაქშენმა" საკუთარი სერვისი საქართველოს ფარგლებს გარეთ გაიტანა და უზბეკეთში დაიწყო ოპერირება.

მიღებული აქვს ISO 45001:2018 (პროფესიული ჯანდაცვისა და შრომის უსაფრთხოების სტანდარტი) და ISO 9001:2015 (ხარისხის მართვის საერთაშორისო სტანდარტი) სერტიფიკატი.

დასახელებულია ნომერ პირველ ინდუსტრიულ სამშენებლო კომპანიად.

„ელემენტ ქონსთრაქშენი” მსოფლიოში კორპორატიული მდგრადობის ყველაზე დიდი ინიციატივის UN GLOBAL COMPACT-ის წევრია.

„ზერონი“ თანამედროვე და სწრაფად მზარდი საინჟინრო კომპანიაა, რომელიც 2022 წელს შეიქმნა და წარმატებით ასრულებს ელექტრომექანიკური საინჟინრო სისტემების პროექტირებასა და მონტაჟს.

„ზერონის“ ინჟინერთა გუნდი ქმნის სრულ MEP (მექანიკური, ელექტრო და სანტექნიკური სისტემები) სერვისს და აქტიურად იყენებს პროექტირების ინოვაციურ მიდგომას BIM ფორმატში. კომპანიის პორტფოლიო აერთიანებს:

• ინდუსტრიულ საწარმოებსა და ლოჯისტიკურ ჰაბებს;
• საცხოვრებელ კომპლექსებსა და სასტუმროებს;
• სავაჭრო და საოფისე სივრცეებს;
• საგანმანათლებლო და სამედიცინო დაწესებულებებს.

რეგიონული გაფართოება „ზერონის“ განვითარების მნიშვნელოვანი ეტაპია. 2024 წლიდან კომპანია აქტიურად ოპერირებს უზბეკეთის ბაზარზეც.

“ზერონი”  აქტიურად უჭერს მხარს პროფესიული განათლების განვითარებას და ხელს უწყობს ახალგაზრდა ინჟინრების პროფესიულ წინსვლას. კომპანია ახორციელებს სტუდენტური სტაჟირების პროგრამებს, რაც საშუალებას აძლევს ტექნიკური მიმართულების სტუდენტებს შეიძინონ პრაქტიკული უნარები რეალურ სამუშაო გარემოში.

კომპანიის მიზანია შექმნას ახალი სტანდარტი ტექნიკურად სრულყოფილი, ენერგოეფექტური და გრძელვადიანი საინჟინრო გადაწყვეტილებებით.

კომპანია “თიფოქსი” აქტიურად ოპერირებს სამშენებლო მასალებისა და ტექნიკის ბაზარზე. ბრენდი 2022 წელს დაარსდა და მას შემდეგ დინამიურად მუშაობს მასშტაბებისა და ახალი მიმართულებების განვითარებაზე.

კომპანია აქტიურად ანხორციელებს იმპორტს მსოფლიოს სხვადასხვა ქვეყნიდან. იმპორტირებული პროდუქციის დასახელებებს შორის მსოფლიო მასშტაბით დამკვიდრებული სამშენებლო ტექნიკისა და მასალების ისეთი ბრენდები, როგორიცაა: SFS, OSCAR, WEBER, SEKIZLI, TUNA, ASSAN PANNEL, ASYA DOKUM.

„თიფოქსის“ სასაწყობე სივრცეში მომხმარებელს საშუალება აქვს ერთ სივრცეში შეარჩიოს სენდვიჩ პანელები, სამშენებლო ტექნიკა, საღებავები, სამშენებლო ფხვნილები, თბო და ჰიდროსაიზოლაციო მასალები, ასევე კარები და სხვადასხვა სამშენებლო აქსესუარი.

ბრენდი მუდმივად მიყვება საერთაშორისო ტენდენციებს, ინოვაციებს და ბაზრის დინამიკას, რათა მომხმარებელს შესთავაზოს არა მხოლოდ ხარისხიანი მასალა, არამედ პროფესიული კონსულტაცია და თანამედროვე ტექნოლოგიებზე მორგებული გადაწყვეტილებები. სწორედ ამ მიდგომით, „თიფოქსი“ ქმნის დამატებით ღირებულებას და უწყობს ხელს სექტორის უწყვეტ განვითარებას.

„ელემენტ ფით-აუთის“ საქმიანობას საფუძვლად უდევს ხარისხი, საერთაშორისო სტანდარტი და ხედვა. კომპანია 2025 წელს დაარსდა.

კომპანია დამკვეთებს სთავაზობს სრულ მომსახურებას — კონცეფციიდან შესრულებამდე: პროექტირება, ინტერიერის დიზაინი და უმაღლესი ხარისხის სარემონტო სამუშაოები. შედეგად, კომპანიის მიერ შესრულებული ობიექტები ხასიათდება გამორჩეული ესთეტიკითა და თანამედროვე ტექნოლოგიებით.

„ელემენტ ფით-აუთი“ უკვე არაერთი საერთაშორისო ბრენდის ნდობით სარგებლობს. არსებული პარტნიორობა კომპანიას შესაძლებლობას აძლევს დამკვეთებს ქართული ბაზრისთვის ინოვაციური და უნიკალური პროდუქტები შესთავაზოს.

„ელემენტ ჰოლდინგის“ შემადგენლობაში შემავალი კომპანია 2025 წლიდან უზბეკეთშიც აქტიურად ოპერირებს, რაც კიდევ ერთი ნაბიჯია ბრენდის განვითარებისა და ხედვის რეალიზაციის გზაზე.

„ელქრითი“ ქართულ სამშენებლო სექტორში გამორჩეული უპირატესობით პოზიციონირებს. კომპანია დამკვეთებს სთავაზობს პროექტირებას, წარმოებას და მონტაჟს, როგორც რკინაბეტონის ანაკრები კონსტრუქციების, ასევე ლითონკონსტრუქციების გამოყენებით. ბრენდი ბაზარზე 2023 წლიდან პოზიციონირებს.

აღნიშნული კომპანიას შესაძლებლობას აძლევს დამკვეთებს გაუზიაროს მათზე მორგებული, ოპტიმალური სამშენებლო გადაწყვეტილებები, რომლებიც პასუხობს დამკვეთის ტექნიკურ, დროით და ფინანსურ მოთხოვნებს.

„ელქრითის“ მიერ რკინაბეტონის ანაკრები კონსტრუქციებითა და ლითონკონსტრუქციებით შესრულებული პროექტებში ერთიანდება:

• ინდუსტრიული შენობები და საწარმოო ჰაბები;
• სასაწყობე და ლოგისტიკური კომპლექსები;
• კომერციული სივრცეები და სავაჭრო ცენტრები;
• საგანმანათლებლო და სპორტული ინფრასტრუქტურა;
• საზოგადოებრივი დანიშნულების მრავალფუნქციური კომპლექსები.

საწარმოო პროცესი თბილისში მიმდინარეობს. „ელქრითის“  მფლობელობაშია ასევე  საერთაშორისო სტანდარტების შესაბამისი სასაწყობო სივრცეც.

„სპეც რენთი“ სამშენებლო სექტორს სთავაზობს თანამედროვე ტექნიკისა და ინვენტარის, როგორც გაქირავების, ასევე მომსახურების სრულ სერვისს. ეს საშუალებას აძლევს კომპანიას მონაწილეობა მიიღოს სხვადასხვა სირთულის სამშენებლო პროექტებში. ბრენდი 2020 წლიდან ოპერირებს საქართველოში და უკვე დამკვიდრდა როგორც სანდო პარტნიორი ტექნიკის გაქირავების მიმართულებით.

კომპანიის თანამშრომელთა კვალიფიკაცია დადასტურებულია შესაბამისი სერთიფიკატებითა და დამკვეთების მაღალი კმაყოფილების დონით.  გამოცდილი პროფესიონალების გუნდი განაპირობებს „სპეც რენთის“ მაღალ ეფექტიანობას და სამუშაოს ხარისხიანად შესრულების შესაძლებლობას. „სპეც რენთის“ თანამშრომლები რეგულარულად გადიან ტრენინგებს, რაც მოიცავს არა მხოლოდ ტექნიკის მართვის მიდგომებს, არამედ შრომის უსაფრთხოების ნორმებს. გუნდის წევრებს აქვთ ცოდნა და პრაქტიკული გამოცდილება, რომელიც მათ საშუალებას აძლევს ეფექტიანად მართონ რისკები და მინიმუმამდე დაიყვანონ სამშენებლო მოედანზე შესაძლო ინციდენტები.

კომპანია სისტემატურად აახლებს არსებულ ავტოპარკს, მომხმარებლისთვის თანამედროვე და უსაფრთხო ტექნიკის უზრუნველსაყოფად.

ინდივიდუალური და ლოიალური მიდგომა თითოეულ მომხმარებელთან, ანგარიშსწორების მოქნილი სისტემასთან ერთად, ქმნის განვითარებაზე ორიენტირებულ ბრენდს, რომელიც მუდმივად მზადაა უპასუხოს თანამედროვე ბაზრის მოთხოვნებს.

EFS-ი ინსპექტირების დამოუკიდებელი კომპანიაა, რომელიც 2022 წელს დაარსდა. ბრენდი ბაზარზე ოპერირებს არაერთი სტრატეგიულად მნიშვნელოვანი სერვისით, რომელთა შორის წამყვანი პროფესიული ჯანდაცვა, შრომის უსაფრთხოება და გარემოს დაცვა, ასევე მშენებლობის ხარისხის კონტროლია.
გამოცდილების გაზიარებით, EFS-ი ბიზნეს სექტორში საერთაშორისო მიდგომების დამკვიდრებას უწყობს ხელს. იგი კლიენტებს ეხმარება თანხვედრაში იყვნენ და დანერგონ ისეთი მნიშვნელოვანი სტანდარტები, როგორებიცაა:

ISO-45001 (ყოფილი OHSAS-18001) პროფესიული ჯანდაცვისა და შრომის უსაფრთხოების სტანდარტი;
ISO-14001 გარემოს დაცვის სისტემის მართვის სტანდარტი;
ISO-9001:2015 ხარისხის მართვის სტანდარტი.

კომპანიის სერვისი ხელმისაწვდომია როგორც იურიდიული, ასევე ფიზიკური პირებისთვის.

„ჯიანელი” ბეტონისა და ფიბრობეტონის გამოყენებით უნიკალურ ნამუშევრებს ქმნის. აღნიშნული პროდუქტებით, კომპანიის სახელოსნოში, ნებისმიერი სირთულის პროექტის განხორციელებაა შესაძლებელი. 

„ჯიანელი” 2019 წელს დაარსდა. 

კომპანიაში მზადდება: 

•  ნებისმიერი დიზაინის ფასადის ელემენტები;

•  ურბანული ავეჯი და აქსესუარები;

•  კიბის საფეხურები, იატაკის და საკედლე ფილები;

•  დეკორატიული ნივთები. 

„ჯიანელისთვის” მნიშვნელოვანია, სრული თანხვედრა თანამედროვე არქიტექტურულ მიდგომებთან და ხარისხის მახასიათებლებთან. ბრენდის ხედვა ასახულია პროდუქტებშიც, რომლებიც გადამუშავებული, ეკომეგობრული მასალებისგანაა შექმნილი.