მენეჯმენტი

ლევან ბერაძემ მშენებლობის ეკონომიკისა და მართვის სპეციალობით, 1996 წელს, საქართველოს ტექნიკური უნივერსიტეტი დაამთავრა. სწავლა გერმანიაში, 1998 წელს, მიუნსტერის ტექნიკურ უნივერსიტეტში გააგრძელა - მშენებლობის მართვის სპეციალობით.

განათლების მიღების პარალელურად, 2000-2003 წლებში, მუშაობდა გერმანულ სამშენებლო კომპანია „რუკვერკში” სამუშაოთა მწარმოებლად. იმავე პოზიციას ამჯერად უკვე კომპანია „ბრეფელდში”, 2003-2005 წლებში, იკავებდა.

2005 წელს, მიუნსტერის უნივერსიტეტის დამთავრების შემდეგ, ლევან ბერაძე საქართველოში დაბრუნდა და 2007 წელს „ოლ-პი ჯგუფი” დააფუძნა. გერმანული სამშენებლო პრინციპების დანერგვა წარმატებული აღმოჩნდა.

კომპანიამ მალევე მოიპოვა იატაკის ტექნოლოგიების ლიდერი კომპანიის სტატუსი, რასაც  სერვისების გაფართოება მოჰყვა. ლევან ბერაძის ხელმძღვანელობით კი განვითარდა მშენებლობის სხვადასხვა მიმართულება და ჩამოყალიბდა  განსხვავებული პროფილის კომპანიები, რომლებსაც დღეს „ელემენტ ჰოლდინგი” აერთიანებს.

პაატა ჩიტორელიძემ 1994-1998 წლებში, უმაღლესი განათლება თბილისის სახელმწიფო უნივერსიტეტში მიიღო კომერციისა და მარკეტინგის მიმართულებით. მაგისტრის ხარისხი კი, 2005-2007 წლებში, ბიზნესის ადმინისტრირების პროგრამით, ESM-ში დაიცვა.

პაატა ჩიტორელიძის სახელი კარგადაა ცნობილი ქართულ საბანკო სექტორში. 2001-2018 წლებში, „თიბისი ბანკში” მას სხვადასხვა წამყვანი პოზიცია ეკავა. მათ შორის, იყო კორპორატიული რეაბილიტაციის განყოფილების უფროსი.

2018 წელს, კორპორატიული და საინვესტიციო საბანკო ბიზნესის დირექტორის მოადგილის პოსტზე მყოფმა, ამჯობინა საკუთარი ძალები მთლიანად მისივე დაფუძნებული სამშენებლო კომპანიისთვის დაეთმო.

ამჟამად, პაატა ჩიტორელიძე აქტიურად არის ჩართული „ელემენტ ჰოლდინგის” როგორც ადგილობრივ, ასევე საერთაშორისო მასშტაბის პროექტებში.

გიორგი ბერაძემ 1998 წელს, საქართველოს ტექნიკური უნივერსიტეტი (მანქანათმშენებლობის ფაკულტეტი) დაამთავრა. 2000-2008 წლებში კი გერმანიაში, მიუნსტერის უმაღლეს ტექნიკურ უნივერსიტეტში მანქანათმშენებლობა-კონსტრუქტორის სპეციალობას ეუფლებოდა.

სწავლის დასრულების შემდეგ, დაიკავა ამავე სასწავლებლის ლაბორანტის პოზიცია ლითონთა ტექნოლოგიის კათედრაზე.

გიორგი ბერაძე საქართველოში 2010 წელს დაბრუნდა და „ელემენტ ჰოლდინგის” შვილობილი კომპანიის „ოლ-პი ჯგუფის” დირექტორი გახდა. მისი ხელმძღვანელობით, „ოლ-პი ჯგუფმა” საქართველოს ბაზარზე არაერთი ინოვაციური პროდუქტი შექმნა.

2019-2023 წლებში გიორგი ბერაძე ლითონკონსტრუქციების ქარხნის „ოლ-პი მეტალის” დირექტორის პოსტს იკავებდა. აღნიშნულ პერიოდში კომპანიამ გააფართოვა როგორც სერვისები, ასევე დამკვეთთა პროფილი.

ამჟამად გიორგი ბერაძე „ელემენტ ჰოლდინგის” სტრატეგიული მიზნების განხორციელებაშია ჩართული, რაც ახალი მიმართულებების განვითარებასა და საერთაშორისო მასშტაბით გატანას გულისხმობს.

ზაქრო ებელაშვილმა 2016-2018 წლებში, ეკონომიკისა და ფინანსების ანალიზის მაგისტრის ხარისხი პალერმოს უნივერსიტეტში, იტალიაში მიიღო. ეკონომიკისა და ბიზნეს ადმინისტრირების ფაკულტეტზე კი ხორვატიაში, 2018-2019 წლებში, დუბროვნიკის  უნივერსიტეტში სწავლობდა.

2019 წელს, საქართველოში დაბრუნებული შეუერთდა „ელემენტ ჰოლდინგის” პარტნიორი კომპანიის „სითიმის” პროექტებს.

აღნიშნული აქტივობები უზრუნველყოფდა ბაზარზე ჰოლდინგის შვილობილი კომპანიების კონკურენტულ უპირატესობას.

ზაქრო ებელაშვილი 2022 წლიდან „ელემენტ ჰოლდინგის” გენერალური დირექტორია. უშუალოდ მისი ჩართულობით  ჩამოყალიბდა ჰოლდინგური სტრუქტურა და შემუშავდა კომპანიის  განვითარების გრძელვადიანი სტრატეგია.

ამჟამად მისი ამოცანა, ჰოლდინგში წარმოდგენილი კომპანიების ეფექტური კორპორატიული მართვა და გაძლიერებაა, რომელიც ინოვაციური მართვის მიდგომებით ხორციელდება.